Jam’iyyar African Democratic Congress (ADC) ta bukaci shugaban Independent National Electoral Commission (INEC), Farfesa Joash Amupitan, da ya yi murabus daga mukaminsa.
A wata ganawa da manema labarai a Abuja, Sanata David Mark ya ce matakin ya zama dole, yana mai zargin cewa shugaban INEC da kwamishinoninsa sun nuna bangaranci ga jam’iyyar All Progressives Congress (APC), don haka ba za a iya yarda da su su gudanar da zaben 2027 ba.
Jam’iyyar ta kuma bayyana cewa ba ta da wani kwarin gwiwa ga INEC, tare da jaddada cewa za ta ci gaba da shirye-shiryenta na jam’iyya duk da halin da ake ciki, yayin da ta bukaci ‘yan Najeriya da kasa da kasa su lura da abin da ke faruwa domin kare dimokuradiyya.
