Yau ce ranar farko da aka fara yaƙin neman zaɓe a Najeriya gabanin babban zaɓen ƙasar da za a gudanar a watan Janairu, yayin da ake nuna damuwa kan matsalar tsaro da ta ƙi ci ta ƙi cinyewa da kuma tsadar rayuwa.
Shugaban Najeriya, Bola Tinubu, na neman wa’adi na biyu a matsayin shugaban ƙasa, sai dai farin jininsa ya yi ƙasa a baya-bayan nan.
Ɗaya daga cikin manyan ’yan adawa da ke fafatawa da Tinubu shi ne tsohon shugaban ƙasa, Atiku Abubakar, sannan akwai tsohon gwamnan Anambra, Peter Obi.
A cewar Bankin Duniya, sama da rabin ’yan Najeriya na rayuwa cikin ƙangin talauci, lamarin da ke ƙara jawo damuwa gabanin babban zaɓen ƙasar.
