Hukumar Zaɓe Mai Zaman Kanta ta Ƙasa, INEC, ta bayyana cewa jam’iyyar NNPP ba ta cikin jerin jam’iyyun siyasa da za su fafata a zaɓen cike gurbi. Zaɓen zai gudana ne a kananan hukumomin Kano Municipal da Ungogo.
Hukumar ta bayyana hakan ne a cikin jerin sunayen jam’iyyun da ta amince su shiga zaɓen. Wannan mataki na nufin cewa NNPP ba za ta gabatar da ‘yan takara a zaɓen cike gurbin ba.
INEC ba ta bayar da ƙarin bayani kan dalilin cire jam’iyyar daga jerin ba. Zaɓen cike gurbin na daga cikin shirye-shiryen hukumar na cike guraben da suka kasance babu wakilci a majalisu.
