Kwana guda bayan hare-haren da aka kai wa Iran, Shugaban Amurka Donald Trump ya bayyana cewa sabon shirin sojin Amurka na murƙushe Iran ba zai ɗauki lokaci mai tsawo ba.
Trump ya bayyana hare-haren da aka kai daren jiya a matsayin “masu tsananin ƙarfi sosai”, yana mai cewa Amurka a shirye take ta sake kai wa Iran hari a kowane lokaci idan buƙatar hakan ta taso.
Ya ce Iran na ƙoƙarin ƙera wani makami mai linzami da zai iya jefa nakiyoyi, amma Amurka ta lalata wannan shiri. Ya kuma ce Iran na sake gina tsarin radar da na makamai masu linzami, wadanda hare-haren Amurka suka kai wa hari.
Trump ya jaddada cewa sojojin Amurka za su ci gaba da sa ido kan duk wani yunƙuri da Iran za ta yi na sake ƙarfafa ƙarfin sojojinta, tare da ɗaukar mataki idan suka ga hakan ya zama dole.
